KAMPAINA GLOBALA

CAF jaitsi zaitez Israelgo aparhaidaren trenetik

LABURPENA

Also available in English and Spanish.

2019ko abuztuan, Israelgo Finantza Ministerioak, trenbideetako CAF euskal enpresa eta Shapir eraikuntza-enpresa buru zituen enpresa-partzuergo bat aukeratu zuen okupatutako lurralde palestinarrean legez kanpoko koloniak lotzen dituen tren-sarea hedatzeko, Jerusalemgo tren arina (JTA) izenez ezagutzen dena.

Israelek sortzen dituen kokaguneak gerra krimentzat jotzen dira nazioarteko zigor auzitegiaren Erromako estatutupean.

Gainera, tranbia egiteko CAFen kide den Shapir enpresa NBEak egiten duen Israelgo kolonia ilegalen konplize diren enpresen zerrendan sartuta dago.

JTA proiektuak nazioarteko zuzenbidea urratzen du Israelek lurralde palestinar okupatuaren gainean duen kontrola indartzen duelako, Ekialdeko Jerusalem barne. Bere parte hartzearekin, CAF, nazioarteko zuzenbidearen eta giza eskubide palestinarren urraketa larrietan laguntzen ari da.

CAF eta Shapir enpresei 1.800 milioi dolarreko balioa duen kontratua esleitu zitzaien trenbide sarea kokagune gehiagotara zabaltzeko, batez ere Ekialdeko Jerusalemen, baina baita asentamentuen eta Mendebaldeko Jerusalemen arteko garraio-loturak indartzeko ere.

BDS

CAF jaitsi zaitez Israelgo aparhaidaren trenetik

ZERGATIK?

ZERGATIK BABESTU KANPAINA HAU?

Israelek nazioarteko konplizitateari esker soilik euts diezaioke herri palestinarraren okupazio, kolonizazio eta apartheid erregimenari. Alor honetan, enpresek funtsezko papera jokatzen dute.

Jerusalemgo tren arinaren (JTA) proiektua hain da legez kanpokoa, ezen lizitazioaren hasierako fasean parte hartu zuten beste enpresa multinazional batzuk, hala nola Alstom, Siemens, Systra, Bombardier edo Macquarie, erretiratu egin baitziren, eta lehiaketa fasean bi partzuergo soilik geratu ziren.

Veolia enpresa frantziarrak 2015ean JTAren legez kanpoko proiektu berberatik alde egin behar izan zuen nazioarteko negozioetan milaka milioi dolar galdu ostean. Guzti hau, Europan, AEBetan eta hainbat herrialde arabiarretan etengabean burutu zen BDZ kanpaina baten ondorioz gertatu zen.

Globes negozio aldizkari israeldarrak esan zuen, aurreikusi genezakeen moduan, gainerako enpresak "ez zirela prozesutik erretiratu arrazoi politikoengatik”, baina onartu zuen, "nazioarteko garraio eta eraikuntza enpresa gehienentzat, Jerusalemen lan egitea muga onargarritik kanpo geratzen dela”.

CAF, proiektu honetan parte hartuz, bere jokabide-kodea urratzen ari da, honela baitio: "CAFen eta hura osatzen duten pertsonen jarduera guztiek zorrotz errespetatuko dituzte legeak, giza eskubideak eta askatasun publikoak". Eusko Jaurlaritzak akzioak ditu CAFen, beraz, ziurtatu beharko luke diru publikoak ez duela babestuko Israelek lurralde palestinarra legez kanpo okupatzea.

Okupazio eta apartheid erregimen israeldarraren krimenetan enpresen inplikazioa moralki gaitzesgarria eta legalki arriskutsua izateaz gain, negozioan eragin kaltegarria ere izan dezake.

Gehiago aurkitu

Jerusalem Ekialde palestinarrean dagoen Issawiya auzoa legez kanpoko Giv ‘at Shapira kokagune israeldarraren ertzean kokatzen da, bertan aurreikusia dago CAFek eraikiko duen linea berriaren lehen geltokia.

Giv 'at Shapira kolonia eta Jerusalemgo unibertsitate hebrearraren zati bat eraikitzeko, Israelek Issawiyako eta beste herri batzuetako biztanleen lurrak anexionatu zituen, haien etxeak eraitsi zituen eta familiak kanporatu zituen.

Israelek Issawiyaren aurkako jazarpen kanpaina bati eusten dio, auzoa setiatzeko asmoz sarrerak itxiz eta mugimendu askatasuna gogorki murriztuz.

Israelgo armada etengabe sartzen da Issawiyan, palestinarren etxeak inbaditzen ditu, kargurik gabeko pertsonak atxilotzen ditu eta familia-etxeak eraisten ditu, nazioarteko zuzenbidea urratuz.

CAFek Israeldarren errepresioa areagotzen lagunduko du Jerusalem Ekialdeko auzoetako palestinarren aurka, Issawiya barne, Alstomek eta Veoliak israeldarren jazarpenean lagundu zuten bezala Shu’afat auzoan.

CAFek eraikitzea programatuta dagoen linearen beste muturrean legez kanpoko Gilo kokagune israeldarra dago. Kokagune hau, Beit Safafa, Sharafat eta al-Walaja auzoei eta Betlehem eta ondoko Beit Jala hiriei lapurtutako lurren gainean eraikita dago.

Israelek Giloko kokagunea Betlehemgo palestinar biztanleak heuren hiriburutik, hau da, Jerusalemdik bereizteko eraiki zuen, eta bide batez, Jerusalemgo udal barrutian (Israelek definitzen duen moduan) legez kanpo lurrak bereganatzeko.

Israelek Gilo anexionatzeko eraiki zuen apartheid harresiak Betlehem eta al-Walaja ghetto bihurtu zituen eta ordurarte eremu horiek guztiak Jerusalem palestinarrarekin zuten lotura ekonomiko, kultural, sozial eta politikoa kaltetu zituen.

CAF Jerusalemgo tren arina palestinarrei lapurtutako lur gainean eraikitzen ariko da, eta legez kanpoko kolono israeldarren mugitzeko askatasuna lagunduko du biztanle palestinarren giza eskubideen eta oinarrizko askatasunaren gainetik.

mugarriak

2020

Urria

Estatu espainiarrean 100 pertsona baino gehiagok eskatu diote RENFE tren konpainia publikoari CAF ez kontratatzeko; izan ere, Israelgo legez kanpoko Jerusalem Tren Arinean (JLR) parte hartzen ari da Shapir enpresa israeldarrarekin elkarlanean. Azken hau Nazio Batuen Israelgo enpresa ilegaletatik etekina ateratzen duten enpresen datu-basean dago.

Giza eskubideen hemezortzi taldek Jose Luis Abalos garraio ministro Espainiarrari eskatu diote alde batera utz ditzatela CAF eta NBEn datu-basean zerrendatutako enpresa guztiak; hala nola, Alstom. Palestinarekin solidario diren hogeita hamar erakundek gutun bat bidali zieten Reyes Maroto Espainiako Industria ministroari eta RENFE enpresa publikoari. Eskutitz hauek bidali zizkioten ministroak CAFi kontratu publiko gehiago eskaini zizkiolako. Eskaintza hau enpresak bere lantegietako bat, Trenasa, ixteko asmoa zuela esan ondoren izan da eta 118 pertsonek galduko dute lana. Erabaki hau ulertezina da enpresak 2019an bere irabazien errekor gorenarekin eta salmenten errekor onenarekin amaitu baitzuen. Aipatutako arrazoiak eta CAF Israelen, kokaguneak lagunduko dituen legez kanpoko proiektu batean sartuta egoteak enpresa boikotatzeko kanpainen aurrean jartzen du. Argi dago CAFi ez zaiola axola langileen eskubideak eta, oro har, giza eskubideak.

Oslon, Norvegian, Palestinako Komiteak eta trenbideko bi sindikatuk CAF euskal enpresaren tranbia berriak protestekin jaso zituzten. Norvegiako sektore publikoari eskatu diote ez dezala CAFekin lan egin legez kanpokoa den Israelgo tren arina eraikitzeari uzten dion arte eta Apartheida babesten ez duen arte.

Norvegiako zortzi sindikatuk bat egin dute CAF boikoteatzearen deialdiarekin: Norvegiar Union of Municipal and General Employees (Nazionala), Norvegiako trenbideetako langileen sindikatua (nazionala), Norvegiako Locomotivemen Batasun Nazionala (Nazionala), Fagforbundet- Helse, Sosial og Velferd, Oslo (Lokala), Norvegiako zerbitzu Zibilaren sindikatua OsloMet-en (Lokala), Lokomotivpersonalets forening Oslo (Lokala), Norvegiako sindikatuen federazioa,  850 lokala (Lokala), eta Oslo Sporveiers Arbeiderforening (Lokala).

CAF eta Shapir oso gertu daude Israelen inoiz adostu den finantzazio hitzarmenik handienetako bat sinatzetik. JLR proiektu ilegalean linea sare bat eraikitzeko eta martxan jartzeko asmoa dute. Bankia Hapoalim bezalako banketxeen konsortium batek zabalduko du finantziazioa. Shapir bezala, Israelgo legez kanpoko kokaguneetako negozioetatik etekina ateratzen duten enpresen datu-basean sartuta dago honakoa ere.

Uztaila

Britainiar Handiko kanpainariek eskatu dute CAF HS2 abiadura handiko trenbidearen akzioen eskeintzatik kanpo utz dezala.

Ekaina

Presioa areagotu egin da CAFek Israelen legez kanpoko tranbia eraikitzeari uzteko eskatuz. Konpainia euskaldunaren urteroko bileran, protestak izan zituen bai online eta baita kalean ere eta  akziodunen kritika zorrotzak ere bai.

Otsaila

Gizarte zibileko 70 talde desberdinek dei egiten diote CAFi JLR legez kanpoko proiektua bertan behera uzteko.

2019 ko azaroa:

CAFek Beasainen duen lantegi nagusitik gertu dauden bi euskal alkate CAFek JTA proiektuan parte hartzearen aurka agertu ziren.

Urria:

Proiekturaren inguruko kezka ez dator GKEetatik bakarrik. CAFek berak eta langileen batzordeak ere kezka adierazi dute. JTA proiekturako eraikiko diren ekipo gehienak Zaragozako CAF lantegian egingo dira. Bertako bi sindikatuk, Grupo Independientek eta CGTk, agiri bat kaleratu zuten  proiektua "Palestinako herriaren eskubideei egindako iraina" dela eta CAF proiektutik erretiratzeko eskatuz. CAFek Beasainen duen egoitzan enpresa batzordeak urtarrilean egindako deia berretsi zuen CAFi proiektutik erretiratzeko eskatuz eta Israelek Jerusalem Ekialdeko okupazio militarra "legitimatu" nahi duela esanez.

Abuztua:

CAFek eta Shapirrek 1.800 milioi dolarreko kontratua eskuratzen dute Jerusalemgo tren arina hedatzeko.

Uztaila:

ekintzaileek eskuorriak banatu zituzten CAFen akziodunen batzarra egiten zen eraikinaren sarreran enpresak Jerusalemgo tren arinean ez zezala parte hartu eskatuz.

Maiatza:

Alstom, Siemens, Systra, Bombardier eta Macquarie JTA lizitaziotik erretiratu ziren eta lehiaketan bi partzuergo bakarrik geratu ziren.

NEURRIAK HARTZEA

CAF erakunde publikoekin eta negozio pribatuekin dituen irudi eta kontratuen mende dago. Oinarrizko kanpaina eraginkorrek CAFi presioa egin diezaiokete palestinarren giza eskubideen urraketetan daukan konplizitatearekin amaitu dezan.

· Eskaiozu CAFi Jerusalemengo tren arinean daukan ardurarekin buka dezala giza eskubideen urraketan daukan konplizitatea saihestea nahi badu, bestela, bere ospea eta nazioarteko negozioa kaltetuko baititu.

· Lor ezazu zure erakundea edo sindikatua nazioarteko kanpainara batzea!

· Egin ezazu CAFen kontratuen aurkako kanpaina bat eta bidal iezaguzu CAFen kontratuen inguruko informazioa edo CAFek parte hartzen duen lizitazioen berri emaiguzu.

Argibide gehiago: Alys Samson Estapé, Europako BNCko koordinatzailea: [email protected]